სახარება გვიამბობს, რომ ქალები, რომლებიც იესოს გაჰყვნენ და ამით მისი მოწაფეები გახდნენ, პირველები იყვნენ, ვისაც მისი მკვდრეთით აღდგომის ამბავი ეუწყა, მათ კი იესოს მოწაფეებს ამცნეს. ამგვარად, ქალების მსახურებას ქრისტიანულ ეკლესიაში ღრმად აქვს ფესვები გადგმული ისტორიულად და ტრადიციულად. ჩვენს ეკლესიაში ქალები მნიშვნელოვან როლს ასრულებენ როგორც საეკლესიო, ისე დიაკონურ აქტივობებში, სიხარულით მონაწილეობენ ღვთისმსახურებებსა და ბიბლიის გაკვეთილებში, ორგანიზებას უწევენ სამრევლოებში სხვადასხვა ღონისძიებებს. გარდა ამისა, თბილისის, რუსთავისა და ბორჯომის სამრევლოებში ფუნქციონირებს ქალთა წრეები, რომლებიც სისტემატურად იკრიბება და დიდი პოპულარობით სარგებლობს.